.:: مدونة nado0o77 ::.



◄لقائي مع مات!! (Bad Dancer)►

pb034

pb034

pb034

واللي مايذوق العنب حامضن عنه يقول pb034 >>>> برى :D

يوم الاحد بتاريخ 11 جولاي 2010 كنت رايحه مع علي نتمشي بالسوليدير ونراقب السعوديين وش يسوون مع حريمهم بشهر العسل pb034

وانا ماشيه بحال سبيلي الا مر جنبي واحد اطخم امريكي بظهره شنطه ويبتسم  وماهتميت له الا لما قال علي (مو هذا مات ؟ ) انا مسكت فراملي والتفت الا هو صدق مات!!! :eek:

للي مايعرف مات يرجع للتدوينة السابقة ويقراها…


مات كان متجه لتمثال الشهداء عشان يرقص قدامه وانا ماصدقت خبرpb034

رحنا له ولقيت مجموعه اشخاص ينتظرونه ويتصورون معه وجيت وسلمت عليه وتصورت معه pb034


يدي جايتن غلط pb027

وسالني : ? u come to dance

قلت له لا يابعدي جايتن بس اتصور مع طخمه وجهك الاملح pb027 اما تبيني ارقص وانطط زي القرود فاسمحلي يالغرام برستيجي مايسمح pb027 >>>>  الا قولي جتس ام الركب لما شفتي الناس متجمعين يناظرون

سالته قلت وين القيرل فرند pb034

قال انها بالهوم

قلت وراك ماجبتها معك هاه pb034

قال عندها شغل هناك

قلت طيب من يمسك الكميرا ويصورك :rolleyes:

قال جايب معي اللي تحمل الكميرا وتثبتها

لما عرف اني من السعوديه مسك معي اساله ماقضت pb131



يسالني اذا مسموح الرقص عندنا

قلت ابدن تعال وارقص خذ راحتك :D

مات: بس سمعت عندكم شرطه تمنع الرقص في الاماكن العامه

انا: لاعادي تقدر تجي ترقص في جده مدينه منفتحه :D

مات:ايه صح انا كنت ابي اروح لهناك ارقص قباله نافورة الملك فهد, بس اني خايفن من هالشرطه (يقصد الهيئه pb034)

انا: لالا ماحد بيقول لك شيء انت ارقص وماعليك خلاف pb034

مات:في شخص راسلني من الرياض يقول لي تعال ارقص بمزرعتي وبجيب لك فرقه رقص يرقصون معك في مكان خاص بعيد عن الاماكن العامة والشرطه (الهيئة) pb027

انا: مايحتاج ترقص بمكان خاص عندك الرياض شوي مدينه متحفظة وماعندهم هالامور بس خذها مني روح لجدة مارح راح يلمسك pb095

مات: ? so women can dance with me

انا: اقول ارقد بس :cool: ,لالا طبعا مستحيل المراة ترقص مع الرجال من سابع المستحيلات يابوي:eek:

مات: بس فيه بنات سعوديات راسلوني كثير يبون يرقصون معي!!

قال له علي: يمكن يكونون برى البلد وليه تبي الحريم يرقصون معك مايكفي الرجال !!

مات: لا انا ابغى اوريها للعالم بان البلد عادي ماعنده هالامور

انا: تقدر ترقص ومعك بنات صغار اما حريم ماهقوتي يالغلاpb027

وانتهى النقاش بانه راح يفكر ويدرسها مزبوط , ياحليله خايفن يركب بجمس الهيئة ويرمونه خلف القضبان pb027

مات طلب من الموجودين يكتبوا اساميهم وايميلاتهم وياخذ صورة لكل شخص لحاله.

مادري ليه سوا كذا يمكن مخليها للذكرى او شيء زي تسذا :rolleyes:

هنا صور من وراء الكواليس:09:

لو تلاحظون  غير برقصته وعلى فكرة مات يرقص بدون موسيقي بس عشان اللي معه ماتعودوا جاب معه    I pad وشغل موسيقي خفيفه وصاروا يرقصوا قدام الكميرا :0544:


معليش الفديو ماقدرت انزله لان النت عندي جدا بطيء فنزلت صور من المقطع وان شاءالله قريبا احدث التدوينه وانزل الفديو

واعذروني على عدم وضوح الصور 😦



هنا اطخمنا صاير يعلمهم على رقصته


وهنا بدا الاكشن وصاروا ينططون pb027

وهنا نشوف رقصه ثانيه جديدة

بعد ماخلص الرقص سالنا اذا فيه اماكن تستحق الزيارة وخبرته بان فيه القلعه الرومانية في بعلبك راح تعجبك كثير وقال انه راح يحاول يزورها لان الليله سفره وقال راح يسافر لغزة وبعدين باكستان ويمكن يروح لجدة

وهذي خريطة ترحاله والاماكن اللي راح  واللي بيروح لها..

قبل ما أروح سالني..

مات : راح تتابعين المباراة اليوم؟

قلت ايه

قال من تشجعين

قلت اصلا من اللي بيلعب اليوم pb027

قال اسبانيا وهولندا

قلت اكيد اسبانيا :rolleyes:

ردت فعله بس قال : اوه…pb036

الاخ شكله يشجع هولندا pb027

بالاخير ودعنا مات وشكرناه على هاليوم الرائع اللي خلي يومنا جدا سعيد ..:402:

نجي لملاحظاتي pb034 :

اولا مبروك فوز اسبانيا

ثانيا مات انسان بسيط بشكل مو طبيعي :د0:

لبسه كله سيمبل ومو راعي تفشخر

أحب كثير رقصه الدبكه ويقول انه راح يحاول يتعلمها

لما جينا نسلم عليه تلقائيا مامد يده لي لما درى اني سعوديه كنه عارف اننا مانختلط مع رجال ولانسلم عليهم

الظاهر الرجال دارس موضوعنا تمام pb027

واحنا نعمل بروفات مروا جنبنا شابين سكرانين :8000:ماغير ينططون ويرقصون ويصعدون فوق تمثال الحريه ويصرخون ازعجونا الله يزعجهم :mad: وجنبنا سيكيورتي يناظرهم ولاسوا شيء امحق شرطه :404:


وختاما حلو الانسان انه يسافر لدول العالم ويكون صداقات مع الناس ويترك صورة حسنه لنفسه 🙂

وودمتم سالمين :0108:

Add to FacebookAdd to DiggAdd to Del.icio.usAdd to StumbleuponAdd to RedditAdd to BlinklistAdd to TwitterAdd to TechnoratiAdd to Yahoo BuzzAdd to Newsvine

Advertisements

Trackbacks & Pingbacks

تعليقات

  1. * albara says:

    حركااااات ههههههه قابلتيه أجل 🙂

    أنا على هالرجل من زمااان .. وراسلني أكثر من مره يستشيرني قبل لا يجي السعودية ..
    (وتراه جا مع قروب سياحي بس ما علم أحد عشان كان خايف أحد يعلم عليه ^^)
    وقتها اللي جا فيها السعودية كنت مسافر أنا برا فما أمداني أقابله ..
    لكنه لزم علي بذبيحه لما أجيه ديرته حول سياتل في أمريكا. 😛

    عجبتني التدوينه ..
    وعجبني إنه فيه ناس مطلعين ومتثقفين على العالم ولاحظوا هالشخصية العجيبه 🙂

    بالتوفيق ..

    البراء

    | رد كُتِبَ 6 years, 6 months ago
    • * nado0o77 says:

      وش هالعلوم الطيبه اجل تعرفه وتراسله

      لو تشوفه هذاك اليوم عطا الناس ظهره ومسكني اساله عن فيه بوليس بالسعوديه يمنعون الرقص قصده الهيئه وانا اقول ماعليك منهم ارقص واردح ماحد حولك هههههه

      اجل هالخواف جا للسعوديه متخفي ههههههه

      مسوين رعب للامريكان 😀

      الحين مايندرى وين ارضه فيه ومن زماان عنه ماعاد تابعته وحتى مقابلتي له صارت بالصدفه ماتوقعت بقابله بس ولد ناس اجاويد ومتواضعن مرره

      ان شاءالله تلحق عليه بديرتن من هالدير 😀

      | رد كُتِبَ 6 years, 6 months ago


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: